მსოფლიო მეტეოროლოგიის დღე

მსოფლიო მეტეოროლოგიის დღე 1961 წლიდან ყოველწლიურად 23 მარტს აღინიშნება. ეს თარიღი მსოფლიო მეტეოროლოგიური ორგანიზაციის (WMO) დაარსების დღესთან არის დაკავშირებული.

მსოფლიო მეტეოროლოგიურ ორგანიზაციას უდიდესი როლი აქვს ხალხის უსაფრთხოებისა და კეთილდღეობის უზრუნველყოფის საქმეში. მეტეოროლოგია უმნიშვნელოვანესია საკვები პროდუქტების უსაფრთხოების, წყლის რესურსების და ტრანსპორტის თვალსაზრისით.

ამინდის, კლიმატისა და ჰიდრომეტეოროლოგიური გაზომვა, პროგნოზი და ანალიზი  განსაკუთრებით საყურადღებოა ავიაციის სფეროში, სადაც ფრენის უსაფრთხოება პირდაპირ კავშირშია მეტეოროლოგიურ პირობებთან.

საქართველოში საავიაციო მეტეოროლოგიური ინფორმაციის პროვაიდერი შპს “საქაერონავიგაციის” მეტეოროლოგიური სამსახურია.  2014 წელს  სამსახურმა ხარისხის მართვის შესაბამისი ISO სერთიფიკატი მიიღო. პროფესიონალიზმი და მომსახურების ხარისხი მეტეოროლოგიური სამსახურის მუშაობის უმთავრეს მახასიათებელს წარმოადგენს.

 

Advertisements
საქართველოს საჰაერო ნავიგაცია

საქაერონავიგაცია 2014 წელს – ერთი წელი ევროკონტროლში

2014 წელი საქაერონავიგაციისთვის უმნიშვნელოვანესი ცვლილებებისა და წარმატებების წელი აღმოჩნდა. გასულ წელს განხორციელებული პროექტები უდიდესი წინგადადგმული ნაბიჯია ქვეყნის საავიაციო ინდუსტრიისა და ზოგადად  ეკონომიკის განვითარების საქმეში. ეს წელი მნიშვნელოვანი იყო იმიტომაც, რომ მსოფლიო ასპარეზზე საქართველო წელს პირველად იყო წარმოდგენილი, როგორც საჰაერო ნავიგაციის უსაფრთხოების ევროპული ორგანიზაციის წევრი ქვეყანა. საქაერონავიგაციის მიერ განხორციელებული არაერთი წარმატებული პროექტი,  სწორედ ევროკონტროლთან თანამშრომლობას უკავშირდება.

გთავაზობთ, 2014 წლის რამდენიმე, განსაკუთრებით მნიშვნელოვან მოვლენას:

 

საჰაერო მოძრაობის მართვის ცენტრის ახალი შენობის მშენებლობა

2014 წლის ერთ-ერთი ყველაზე მნიშვნელოვანი მოვლენა გახლდათ საჰაერო მოძრაობის მართვის ახალი ცენტრის მშენებლობის დაწყება. სამშენებლო პროექტის ღირებულება 7 მილიონი ლარია. მშენებლობაზე 200 ადამიანი დასაქმდა.  მართვის ახალი ცენტრი 9 მილიონი ევროს ღირებულების, საერთაშორისო სტანდარტებთან შესაბამისი სისტემებით აღიჭურვება.

გიორგი კვირიკაშვილი

საჰაერო მოძრაობის მართვის ცენტრი ხელს შეუწყობს საქაერონავიგაციის ძირითადი საქმიანობის, საქართველოს საჰაერო სივრცეში ფრენების უსაფრთხოების კიდევ უფრო მაღალ დონეზე უზრუნველყოფას.

ცენტრის ფუქციაში შევა ძირითადი სისტემის სარეზერვო მოწყობილობაც – ძირითადი სისტემის მწყობრიდან გამოსვლის შემთხვევაში,  ავიამეთვალყურეებს საშუალება მიეცემათ, გადავიდნენ სარეზერვო სისტემაზე და სრულფასოვნად გააგრძელონ საქმიანობა.

სამშენებლო სამუშაოებს ღია ელექტრონულ ტენდერში გამარჯვებული კომპანია „დაგი“ ახორციელებს.

 

შპს “საქაერონავიგაციის” მეტეოროლოგიურმა სამსახურმა ISO 9001:2008 სერთიფიკატი მიიღო

გასული წელი განსაკუთრებულად მნიშვნელოვანი იყო საქაერონავიგაციის მეტეოროლოგიური სამსახურისთვის. 2014 წლის 7 მაისს შპს „საქაერონავიგაციის“ მეტეოროლოგიურმა სამსახურმა ხარისხის მართვის სისტემის შესაბამისი ISO 9001-2008 სერტიფიკატი მიიღო. ხარისხის მართვის სისტემა  სამსახურის მიერ გაწეული მომსახურების პერმანენტულ კონტროლს გულისხმობს, ამცირებს საავიაციო ინციდენტების რისკს და რაც მთავარია, ხელს უწყობს მომსახურების მუდმივ განვითარებას.

ISO სერთიფიკატი

გარდა ამისა, საქაერონავიგაციის გენერალური დირექტორის, გოჩა მეზვრიშვილის ინიციატივით,  მეტეოროლოგიური სამსახურის თანამშრომელთა მიერ საქართველოს საერთაშორისო აეროპორტების კლიმატოლოგიური ცნობარის მომზადება დაიწყო, რომელიც მომავალი წლის დასაწყისში გამოიცემა.

კლიმატოლოგიურ ცნობარში მოცემული ინფორმაცია საავიაციო მიზნებისთვის იქნება განკუთვნილი. ამ ინფორმაციის მომხმარებელთა ფართო წრე უფლებამოსილი იქნება მასალა პროფესიონალური თვალსაზრისით გამოიყენოს.

კიდევ ერთი უმნიშვნელოვანესი მოვლენა, რომელიც საქაერონავიგაციის მეტეო-სამსახურს შეეხება, გახლავთ, ქუთაისის ახალი მეტეოროლოგიური სადგურის მშენებლობა, რომელიც 2014 წლის ბოლოს დასრულდა.

 

ავიამეთვალყურეების ყოველწლიური გადამზადების კურსები მადრიდში 

იმისათვის, რომ დააკმაყოფილონ  თანამედროვე საკვალიფიკაციო მოთხოვნები, ავიამეთვალყურეები მუდმივად გადიან გადამზადებას.  2014 წლიდან საქაერონავიგაციის 100-ზე მეტი, პროფესიონალი ავიამეთვალყურე  სავალდებულო სწავლებას საჰაერო ნავიგაციისა და სააერნაოსნო უსაფრთხოების სასწავლებელში (SENASA), მადრიდში გადის.  SENASA 1990 წლიდან თავაზობს ორგანიზაციებს ხარისხიან ტრენინგებს საჰაერო სივრცის მართვის სფეროში.

ავიამეთვალყურეების გადამზადება

საავარიო სიტუაციების მართვის ტრენინგის ფარგლებში ავიამეთვალყურეები 3D განზომილების, 360 გრადუსიან სიმულატორთან მუშაობენ. აღნიშნულ სასწავლებელში საქაერონავიგაციაში დასაქმებული ყველა მოქმედი ავიამეთვალყურე ეტაპობრივად გადის სწავლებას ყოველწლიურად წელიწადში 5 კვირის განმავლობაში.

 

კომსოფტთან ორი ხელშეკრულება გაფორმდა

2014 წლის 19 სექტემბერს შპს “საქაერონავიგაციასა” და გერმანულ კომპანია “COMSOFT”-ს შორის ორი ახალი ხელშეკრულება გაფრომდა.

2013 წელს სისტემა CADAS და AIDA-NG-ს წარმატებით დანერგვის შემდეგ, საქართველოს საჰაერო ნავიგაციის გადაწყვეტილებით, გაგრძელდა COMSOFT-თან თანამშრომლობა და ამ ეტაპზე მოხდება ცენტრალური სააერნაოსნო მონაცემთა ბაზის (CADAS-AIMDB) და მისი მაღალტექნოლოგიური ელექტრონული სააერნაოსნო ინფორმაციის კრებულის (eAIP) დანერგვა.

COMSOFT

გარდა ამისა, აღნიშნული ხელშეკრულების ფარგლებში, დაინერგება “COMSOFT”-ის სისტემა COFFEE, რომელიც რეგიონებს შორის ოპერატიული კავშირის (OLDI) დამყარების საშუალებას იძლევა.

აღნიშნული ხელშეკრულება კიდევ ერთი წინგადადგმული ნაბიჯია სამოქალაქო ავიაციის საერთაშორისო ორგანიზაციის რეკომენდაციის შესასრულებლად, რომელიც ითვალისწინებს სააერნაოსნო ინფორმაციის მომსახურებების (AIS) გადასვლას სააერნაოსნო ინფორმაციის მართვაზე. (AIM).

ხელშეკრულებას ხელი მოაწერეს შპს” საქაერონავიგაციის” გენერალურმა დირექტორმა გოჩა მეზვრიშვილმა და კომპანია “COMSOFT”-ის აღმასრულებელმა დირექტორმა მანფრედ შმიდმა.

 

ევროკონტროლის მიერ ინიცირებული ცენტრალიზებული სერვისების  პროგრამა

2014 წლის მნიშვნელოვან მოვლენებს შორის ერთ-ერთი განსაკუთრებულია საფრანგეთის და გერმანიის სააერნაოსნო მოსახურების პროვაიდერებსა და შპს „საქაერონავიგაციას“ შორის გაფორმებული უფრიერთთანამშრომლობის მემორანდუმი.

ცენტრალიზებული სერვისები

აღნიშნული მემორანდუმის ფარგლებში, მხარეებმა სურვილი გამოთქვეს მონაწილეობა მიიღონ EUROCONTROL-ის მიერ ინიცირებული ცენტრალიზებული სერვისების დანერგვის პროგრამაში. საჰაერო ნავიგაციის უსაფრთხოების ევროპულმა ორგანიზაციამ  ცენტრალიზებულ, ევროპულ დონეზე განსახორციელებელი, 9 სერვისის იდენტიფიცირება მოახდინა და წარუდგინა ისინი სახელმწიფოებს. პროგრამის მიხედვით, ევროკონტროლის წევრი სახელმწიფოები გაერთიანდებიან ჯგუფებად და მიიღებენ მონაწილეობას საერთაშორისო ორგანიზაციის მიერ გამოცხადებულ  ტენდერში.

შპს „საქაერონავიგაცია“ ზემო ხსენებულ კომპანიებთან და DFS-ის მიერ შემოთავაზებულ  კომპანია Information Design One AG-თან ერთად  მიიღებს ტენდერში მონაწილეობას საფრენოსნო გეგმის და აეროპორტების სლოტების თანმიმდევრულობის განმსაზღვრავი ცენტრალიზებული სერვისის განხორციელების უფლების მოსაპოვებლად. გამარჯვების შემთხვევაში, კომპანიები ჩამოაყალიბებენ კონსორციუმს, რომელიც  მოახდენს აღნიშნული სერვისის მიწოდებას მომხმარებლამდე. შპს „საქაერონავიგაციის“ მიერ მიღებული გამოცდილება გამოყენებული იქნება საქართველოში უმაღლესი სტანდარტების დანერგვის და უსაფრთხოების დონის ამაღების მიზნით.

გოჩა მეზვრიშვილი

ანალოგიური მემორანდუმი გაფორმდა ქალაქ სოფიაში ბულგარეთის სააერნაოსნო მოსახურების პროვაიდერის BULATSA-ს შტაბბინაში. მემორანდუმის ფარგლებში მხარეებმა დააფიქსირეს სურვილი ითანამშრომლონ ევროკონტროლის მიერ შემუშავებულ კიდევ ერთი ცენტრალიზირებულ სერვისის დანერგვის პროცესში. აღნიშნული სერვისის საოპერაციო კონცეფციის მიხედვით, გამარჯვებულმა მხარემ უნდა უზრუნვლყოს ევროპის მაშტაბით არსებული რადიო – სალოკაციო საშუალებების საიედენტიფიკაციო კოდით უზრუნველყოფა.

 

გარდა ზემოთ აღნიშნულისა, გასული წლის განმავლობაში საქაერონავიგაციამ განახორციელა სხვა არაერთი პროექტი, რომელიც მიმართული გახლდათ ახალი ტექნოლოგიების დანერგვისა და თანამშრომელთა კვალიფიკაციის ამაღლებისკენ. საქაერონავიგაცია აქტიურად თანამშრომლობდა ევროკონტროლის ინიციატივით დაარსებულ საჰაერო ნავიგაციის სერვისების ინსტიტუტთან (IANS) ლუქსემბურგში, სადაც კომპანიის არაერთმა თანამშრომელმა გაიარა კვალიფიკაციის ასამაღლებელი კურსები.

IANS

2014 წელი წარმატებული იყო, ასევე ფრენების რაოდენობის გაზრდის კუთხით. გასული წლის  განმავლობაში ფრენების რაოდენობა საქართველოში საგრძნობლად გაიზარდა. საქაერონავიგაციის ავიამეთვალურეები ყოველდღიურად დაახლოებით 400-მდე ფრენას აკონტროლებენ. ევროკონტროლის მონაცემებით, მომდევნო შვიდი წლის განმავლობაში ფრენების რაოდენობა საქართველოში 6%-ით გაიზრდება (ეს მაჩვენებელი 1.8%-ია დასავლეთ ევროპაში). ამ გამოწვევას კომპანია მომზადებული შეხვდა, მომდევნო წლებში დაგეგმილია აქტივობები ფრენის უსაფრთხოების დონის კიდევ უფრო ასამაღლებლად.

თბილისის საჰაერო მოძრაობის მართვის ახალი ცენტრის მშენებლობა

თბილისის საჰაერო მოძრაობის მართვის ახალი ცენტრი მშენებლობის პროცესშია. შეგახსენებთ, რომ მშენებლობა 2014 წლის 23 ივლისს დაიწყო.

თბილისის საჰაერო მოძრაობის მართვის ცენტრი

საჰაერო მოძრაობის მართვის ცენტრი ხელს შეუწყობს საქაერონავიგაციის ძირითადი საქმიანობის, საქართველოს საჰაერო სივრცეში ფრენების უსაფრთხოების კიდევ უფრო მაღალ დონეზე უზრუნველყოფას.

მართვის ცენტრის მშენებლობა

ახალი შენობის პროექტი 2010 წელს შპს „ლებოს“ მიერ შეიქმნა.  სამშენებლო პროექტის ღირებულება 7 მილიონი ლარი იქნება, მშენებლობაზე 200 ადამიანი დასაქმდება.  მართვის ახალი ცენტრი 9 მილიონი ევროს ღირებულების საერთაშორისო სტანდარტებთან შესაბამისი სისტემებით აღიჭურვება. სამშენებლო სამუშაოებს ქართული კომპანია “დაგი” ახორციელებს.

როგორ მუშაობს საჰაერო ნავიგაცია?  

როგორც მგზავრს, თქვენ შესაძლოა დაგაინტერესოთ როგორ კონტროლდება თქვენი ფრენა. ჩვენ ვეცდებით ყველანაირი სააერნაოსნო ტერმინების გამოყენების გარეშე, მარტივად აგიხსნათ, როგორ მუშაობენ საჰაერო ნავიგაციის სერვისის პროვაიდერები.

თქვენს ფრენას ესაჭიროება მარშრუტი, რომელიც იქნება ოპტიმალური მოცემული ფრენისათვის, სიმჭიდროვის მართვა საჰაერო სივრცესა და აეროპორტის ტერიტორიაზე, რათა არ მოხდეს ფრენის დაგვიანება და რა თქმა უნდა საჰაერო მიმოსვლის მართვის ცენტრები, რათა უზრუნველყოფილი იქნეს თქვენი ფრენის უსაფრთხოება, პუნქტუალობა და ეკონომიურობა.  ავიამეთვალყურეების საჰაერო ხომალდსთან  კომუნიკაცია რადიოკავშირის საშუალებით ხდება. თვითმფრინავის ადგილმდებარეობის შესახებ ინფორმაციას კი ისინი რადარების საშუალებით იღებენ. ავიამეთვალყურეების მთავარი ფუნქციაა თვითმფრინავებმა ერთმანეთისაგან დაშორებით, დროულად და უსაფრთხოდ იფრინონ.

9L0A9676

ყველა ის ინფორმაცია, რომელიც ავიამეთვალყურეს  საჰაერო მიმოსვლის მართვის უზუნველსაყოფად ჭირდება, იქნება ეს სალოკაციო ინფორმაცია, მეტეოროლოგიური თუ სხვა, ავტომატიზირებული მართვის სისტემების სამსახურში იყრის თავს. ეს უკანასკნელი სალოკაციო და საფრენოსნო ინფორმაციის უწყვეტი და უხარვეზო დამუშავებასა და საჰაერო მეთვალყურეების სამუშაო ადგილებზე ოპერატიულად მიწოდებას უზრუნველყოფს.

ავიამეთვალყურე

გარდა ამისა, უმნიშვნელოვანესია სააერნაოსნო ინფორმაცია, რომელიც წარმოადგენს ერთ-ერთ მთავარ ელემენტს საჰაერო ნავიგაციის განხორციელებაში. სააერნაოსნო ინფორმაციის სამსახური აქვეყნებს სააერნაოსნო ინფორნაციის კრებულს, სადაც თავმოყრილია ქვეყანაში არსებული სრული სააერნაოსნო მონაცემები, დაწყებული საფრენი ბილიკის ზომიდან და გეოგრაფიული მდებარეობიდან, დამთავრებული ქვეყანაში არსებული საჰაერო ტრასებით. ის ასევე აქვეყნებს ე.წ. ნოტამებს, ანუ აკრძალვებისა და შეზღუდვების შესახებ ინფორმაციას საჰაერო სივრცესა და ასაფრენ ბილიკზე.

წარმოუდგენელია უსაფრთხო ფრენების განხორციელება მეტეოროლოგიური სამსახურის გარეშე, რომელიც მუდმივ დაკვირვებას აწარმოებს ამინდზე და აწვდის ინფორმაციას შესაბამის სამსახურებს.

DSC_5396

თვითმფრინავის უსაფრთხო აფრენა-დაფრენაზე ასევე რადიონავიგაციის სამსახური ზრუნავს. ეს სამსახური უზრუნველყოფს ისეთი ტექნოლოგიების დანერგვასა და გამართულ მუშაობას, რომელიც ეხმარება საჰაერო ხომალდს განახორციელოს ზუსტი და უსაფრთხო ფრენა. მაგალითად, ინსტრუნეტალური დაშვების სისტემა წარმოადგენს თვითმფრინავის „გზამკვლევს“. ის უზრუნველყოფს, რომ საჰაერო ხომალდმა ავტომატურ რეჟიმში უსაფრთხოდ განახორციელოს ზუსტი დაფრენა.

თვითმფრინავის გზამკვლევს წარმოადგენს ასევე ასაფრენ ბილიკზე დამონტაჟებული შუქ-ტექნიკა, რომლის გარეშეც ფრენა წარმოუდგენელია ღამით და დაბალი ხილვადობის დროს.

საქართველოს საჰაერო ნავიგაციის სერვისის პროვაიდერი შპს „საქაერონავიგაციაა“, კომპანია მუდმივად ზრუნავს უახლესი ტექნოლოგიების დანერგვაზე და თანამშრომელთა კვალიფიკაციის ამაღლებაზე, რათა სათანადოდ შეასრულოს მისი უმთავრესი მისია – ფრენის უსაფრთხოების უზრუნველყოფა საქართველოში.

სახელმწიფო საავიაციო უწყებები საქართველოში

სამოქალაქო ავიაციის სფეროში მრავალი უწყება მუშაობს, რომელთაც ერთი მთავარი მიზანი – ფრენის უსაფრთხოება – აერთიანებთ, თუმცა მათი ფუნქციები განსხვავებულია. თითოეულ ქვეყანას ჰყავს ეროვნული საავიაციო ხელისუფლება, საჰაერო ნავიგაციის სერვისის პროვაიდერი, აეროპორტების მართვის ორგანო და ა.შ.  ამ უწყებათა მოვალეობები მკვეთრად განსხვავდება ერთმანეთისაგან.  საავიაციო ხელისუფლებებს მარეგულირებელი და ზედამხედველობის ფუნქცია აქვს,  აეროპორტების ოპერატორი კომპანიები პასუხისმგებლები არიან სააეროპორტო სერვისისა და ინფრასტრუქტურის განვითარებაზე, ხოლო საჰაერო ნავიგაციის სერვისის პროვაიდერები საჰაერო მოძრაობის მართვას უზრუნველყოფენ.

სამოქალაქო ავიაციის სააგენტო

 

სამოქალაქო ავიაციის სააგენტოსაქართველოში სამოქალაქო საავიაციო ხელისუფლებას სსიპ – სამოქალაქო ავიაციის სააგენტო წარმოადგენს. სააგენტოს საქმიანობის ძირითადი სფეროა სამოქალაქო ავიაციის ტექნიკური რეგულირება, რაც გულისხმობს სამოქალაქო ავიაციის სფეროს უსაფრთხოების მიზნით მარეგულირებელი ნორმატიული ქტების შემუშავებას, გამოცემასა და მათ შესრულებაზე ზედამხედველობის განხორციელებას, ასევე, ავიაციის სფეროში საქმიანობის განხორციელების უფლების მინიჭებას, ნებრათვის გაცემას და მასთან დაკავშირებული მომსახურების გაწევას.

სააგენტოს მიზანია კანონმდებლობის ჰარმონიზაცია შეთანხმებით გათვალისწინებულ ევროპულ რეგულაციებთან და დირექტივებთან. აგრეთვე, ნორმატიული აქტების, სახელმძღვანელოებისა და პროცედურების ICAO-ს დანართებთან,  EASA-სა და სამოქალაქო ავიაციის სხვა საერთაშორისო ორგანიზაციების მოთხოვნებთან, შესაბამის ცვლილებებთან, სტანდარტებთან და რეკომენდირებულ პრაქტიკასთან შესაბამისობაში მოყვანა.

სააგენტოს მიერ საჰაერო მიმოსვლის ლიბერალიზაციის კუთხით გატარებული პოლიტიკა,  ფრენების უსაფრთხოების ევროპული სტანდანდარტებისა და რეგულარული ინსპექტირების პროგრამის დანერგვა, აგრეთვე მომსახურების გაწევასთან დაკავშირებული პროცედურების გამარტივება მიმართულია იმისაკენ, რომ საქართველოს საჰაერო სივრცე კიდევ უფრო მიმზიდველი გახდეს სხვადასხვა ავიაკომპანიებისათვის.

 

სააგენტო ზრუნავს მგზავრთა უფლებებისა და ინტერესების დაცვაზეც. 2012 წლის 1 ოქტომბრიდან, ძალაში შევიდა სამოქალაქო ავიაციის სააგენტოს დირექტორის 17 ივლისის ბრძანება N122  „საჰაერო ხომალდში ჩასხდომაზე უარის თქმის, ფრენის გაუქმების ან ხანგრძლივი დაგვიანების შემთხვევაში მგზავრებისათვის კომპენსაციის გაცემისა და დახმარების აღმოჩენის წესის შესახებ’’. ნორმატიული აქტი პასუხობს შესაბამისი ევროპული რეგულაციებით (ევროპის პარლამენტისა და საბჭოს 2004 წლის 11 თებერვლის N261/2004) გათვალისწინებულ ძირითად პრინციპებსა და მოთხოვნებს. წესი განსაზღვრავს ავიგადამზიდველის ვალდებულებებს მგზავრებთან მიმართებაში, კერძოდ: კომპენსაციის გაცემისა და დახმარების აღმოჩენის წესებსა და პირობებს  საჰაერო ხომალდში ჩასხდომაზე უარის თქმის, ფრენის გაუქმების ან ხანგრძივი დაგვიანების შემთხვევაში.

გარდა ამისა,სამოქალაქო ავიაციის სააგენტოს დირექტორის 2013 წლის 30 იანვრის N16 ბრძანება „საჰაერო გადაყვანა-გადაზიდვისას შეზღუდული შესაძლებლობების მქონე პირთათვის დახმარების აღმოჩენის წესის დამტკიცების შესახებ” ითვალისწინებს, საჰაერო გადაყვანა-გადაზიდვისას შეზღუდული შესაძლებლობების მქონე პირთათვის დახმარების აღმოჩენის უზრუნველყოფას და მათი უფლებების დაცვას.  დოკუმენტში დეტალურად არის გაწერილი ოპერატორისა და მომსახურე ავიაგაგადამზიდველის ვალდებულებები ზემოთაღნიშნულ პირებთან მიმართებაში.

სააგენტო ასევე ახორციელებს აეროდრომების, ვერტოდრომების სერტიფიცირებას, მათ საქმიანობაზე ზედამხედველობას და რეგისტრაციას. ასევე, ავიასაწვავგასამართი საწარმოების სერტიფიცირებას, მათ საქმიანობაზე ზედამხედველობას.

სააგენტო

უწყების სააერნაოსნო მომსახურების დეპარტამენტი  სააერნაოსნო მომსახურების საწარმოების სერტიფიცირებასა და მათ საქმიანობას ზედამხედველობს. დეპარტამენტის ფუნქციაში  საჰაერო მოძრაობის მართვის, კავშირგაბმულობის, სანავიგაციო და სარადიოლოკაციო, აგრეთვე, სააერნაოსნო მომსახურების გაწევისას გამოყენებული ტექნიკური საშუალებების აღიარება და ავიაციის მეტეოროლოგიური მომსახურების განხორციელებაზე ზედამხედველობა შედის.

გარდა ამისა, სააგენტოს მოვალეობაა, საჰაერო ხომალდების რეგისტრაცია საქართველოს სამოქალაქო საჰაერო ხომალდების სახელმწიფო რეესტრში. ასევე, საჰაერო ხომალდის ფრენისათვის ვარგისობის დადგენა  და სათანადო საბორტო დოკუმენტაციის გაცემა.

იგი, აგრეთვე,  ნებართვებს გასცემს საავიაციო გადაყვანა-გადაზიდვებზე და საქართველოს ტერიტორიაზე საავიაციო სამუშაოების წარმოებზე.

სამოქალაქო ავიაციის სააგენტო ახორციელებს ავიასაწარმოების სერტიფიცირებას და მათ საქმიანობაზე  ზედამხედველობას, ავიასპეციალისტებისათვის მოწმობების გაცემას და სხვა სახელმწიფოების მიერ გაცემული მოწმობებისა და  საკვალიფიკაციო აღნიშვნის აღიარებას.  ასევე, საჰაერო   ხომალდზე მომხდარი საავიაციო მოვლენის მოკვლევის ორგანიზებას.

სააგენტოს ფუნქციებში შედის ასევე საავიაციო უშიშროება, ხარისხის მართვის და ხარისხის მაჩვენებლების განხორციელება და კონტროლი, ეკონომიკურად მომგებიანი და კონკურენტუნარიანი სამოქალაქო ავიაციის ჩამოყალიბების სტრატეგიის შემუშავება, პრიორიტეტების განსაზღვრა, საავიაციო სფეროში მოქმედ საერთაშორისო ორგანიზაციებთან თანამშრომლობა და მათთან ურთიერთობისას საქართველოს ინტერესების დაცვა და სხვა.

 

საქართველოს აეროპორტების გაერთიანება

საქაერთველოს აეროპორტების გაერთიანებასაქართველოს სამოქალაქო აეროპორტების მართვასა და განვითარებაზე პასუხისმგებელი შპს „საქართველოს აეროპორტების გაერთიანებაა“. მისი ფუნქციაა შექმნას უსაფრთხო და კომფორტული გარემო ავიაკომპანიებისთვის, მგზავრებისა და სხვა თანმდევი ბიზნესისათვის. კომპანია უზრუნველყოფს სააეროპორტო სერვისისა და ინფრასტრუქტურის ჩამოყალიბებასა და განვითარებას.

გარდა ამისა, „საქართველოს აეროპორტების გაერთიანების“ ბაზაზე შექმნილია საავიაციო უშიშროების სასწავლო ცენტრი, რომელიც სერტიფიცირებულია სამოქალაქო ავიაციის სააგენტოს მიერ და სამოქალაქო ავიაციის საერთაშორისო ორგანიზაციის  სასწავლო პროგრამების შესაბამისად ახორციელებს  როგორც საავიაციო უშიშროების უზრუნველმყოფი პერსონალის, ასევე სხვა პერსონალის (რომელთა ფუნქციონალური  მოვალეობები უშუალოდ არ არის დაკავშირებული საავიაციო უშიშროების უზრუნველყოფასთან) მომზადებას საავიაციო უშიშროების საკითხებში.

დღეისათვის თბილისისა და ბათუმის საერთაშორისო აეროპორტების ოპერირებას კომპანია „ტავ ჯორჯია“ ახორციელებს. თურქული კომპანია „ტავ ჰოლდინგს“ თბილისისა და ბათუმის აეროპორტების მართვის უფლება 2007 წელს 20 წლის ვადით მიენიჭა.

 

საქაერონავიგაცია

logoშპს „საქაერონავიგაცია“ საქართველოს საჰაერო სივრცეში საჰაერო მოძრაობის მართვას ახორციელებს. მისი ძირითადი ფუნქციებია: საჰაერო ხომალდების მოძრაობის მართვა, რადიოტექნიკური და კავშირგაბმულობის საშუალებების უზრუნველყოფა, მეტეოროლოგიური მომსახურება და საავიაციო საინფორმაციო მომსახურება. მის კომპეტენციაში შედის აგრეთვე, საქართველოს სამოქალაქო აეროპორტების ასაფრენი ზოლის უზრუნველყოფა შუქ-სასიგნალო სისტემებით.

სანავიგაციო სისტემები, რომლებიც შპს “საქაერონავიგაციამ“ დაამონტაჟა, აღიარებულია საერთაშორისო ორგანიზაციების მიერ. ზედამხედველობას აღნიშნული სისტემების გამართულ მუშაობაზე სამოქალაქო ავიაციის სააგენტო ახორციელებს. სააგენტოს მიერ არის აღიარებული ავიამეთვალყურეების, ბრინგ ოფიცრების, მეტეოროლოგებისა და სხვა ტექნიკური პერსონალის  კვალიფიკაცია.