ფაქტები და მითები ფრენის შესახებ

 

წარმოგიდგენთ მითებს და ფაქტებს ფრენისა და თვითმფრინავების შესახებ:

მითი: თვითმფრინავის კარის გაღება შესაძლებელია ფრენის დროს.

ბევრს ეშინია, რომელიმე მგზავრმა, სიმთვრალის ან სხვა რაიმე მიზეზის გამო, თვითმფრინავის კარი არ გააღოს. ეს ნამდვილად საშიში იქნებოდა შესაძლებელი რომ იყოს, მაგრამ, საბედნიეროდ, – არ არის. კარის მექანიზმი ისეა შექმნილი, რომ მხოლოდ იმ შემთხვევაში იღება, როცა ჰაერის წნევა თვითმფრინავის შიგნით და გარეთ გაწონასწორებულია.

ფაქტი: ელექტრო ტექნიკის გამოყენება თვითმფრინავში ხელს უშლის სანავიგაციო სისტემების გამართულ მუშაობას.

მართალია, მგზავრის მიერ  ტექნიკის გამოყენების გამო, ავიაციის ისტორიაში არავითარი  ინციდენტი არ მომხდარა, მაგრამ ფაქტია, რომ ტექნიკის გამოყენება თვითმფრინავში, სანავიგაციო სისტემების მუშაობას გარკვეულ ხარვეზებს უქმნის.

მითი: თვითმფრინავში ჰაერი სავსეა მიკრობებით.

ბევრი ადამიანი თვლის, რომ თვითმფრინავში ჰაერი არ ნიავდება და სავსეა მიკრობებით. სინამდვილეში, თვითმფრინავში ჰაერის ძლიერი ფილტრაცია ხდება და უფრო სუფთაა, ვიდრე საზოგადოების თავშეყრის ადგილებში.

მითი: ღვედის ტარება ამცირებს საავარიო სიტუაციისას გადარჩენის შანსს.

ღვედი საჰაერო ხომალდში, ისევე როგორც ავტომობილში, ეხმარება მგზავრს შეიკავოს თავი ადგილზე. სხვა შემთხვევაში მოხდება მგზავრის გასროლა ადგილიდან.

ფაქტი: ზოგიერთ ავიაკომპანიაში მეცამეტე რიგი არ არსებობს.

იმის გამო, რომ ბევრისთვის რიცხვი 13 უიღბლობასთან ასოცირდება, ბევრ საჰაერო ხომალდში ასეთი რიგი საერთოდ არ არსებობს.

მითი: ჟანგბადის ნიღბები რეალურად არ არის საჭირო.

როდესაც თვითმფრინავის კაბინაში წნევა ეცემა, ნიღბები ჟანგბადის ნაკლებობის პირობებში ნორმალური სუნთქვის საშუალებას იძლევა.

მითი: მეხს შეუძლია თვითმფრინავის დაზიანება და ავიაკატასტროფის გამოწვევა.

რა თქმა უნდა, სასურველი არ არის რომ თვითმფრინავი ელჭექში მოხვდეს და ამის თავიდან ასაცილებლად, შესაბამისი სამსახურები მუშაობენ, მაგრამ მეხი საფრთხეს არ უქმნის ფრენის უსაფრთხოებას.  მთავარი მიზეზი ელჭექის თავიდან აცილებისა, არის ძლიერი ტურბულენტობა.

ფაქტი: თვითმფრინავში მოწევა აკრძალულია, თუმცა საპირფარეშოში მაინც არის დამონტაჟებული საფერფლეები.

მიუხედავად იმისა, რომ თვითმფრინავში მოწევა დიდი ხანია აკრძალულია, საჰაერო ხომალდების საპირფარეშოებში მაინც დამონტაჟებულია საფრფლეები, რათა იმ მგზავრებმა, რომლებიც ცდუნებას ვერ გაუძლებენ და მაინც მოწევენ, უსაფრთხოდ გადააგდონ სიგარეტის ნამწვავები.

მითი:  თვითმფრინავის ტუალეტი ოკეანეში იცლება.

ტუალეტი იცლება თვითმფრინავის დაშვების შემდეგ აეროპორტში, სანიტარული ნორმების დაცვით.

მითი: თვითმფრინავები არ დაფრინავენ ბერმუდის სამკუთხედის ზონაში.

ბერმუდის სამკუთხედის ზონაში გუჩინარებული გემების და საჰაერო ხომალდების შესახებ არსებული არაერთი ლეგენდის მიუხედავად, ამ ზონაში საჰაერო ტრასები მაინც არსებობს და ავიაკომპანიები რეგულარულ ფრენებს ახორციელებენ მისი გავლით.

 

Advertisements

5 დიდი თვითმფრინავი, რომელიც ყველაზე ხშირად დაფრინავს მსოფლიოში

 

საერთაშორისო საჰაერო ტრანსპორტის ასოციაციის (IATA) სტატისტიკური მონაცემების მიხედვით, მსოფლიოში ყველაზე ხშირად შემდეგი ტიპის დიდტანიანი თვითმფრინავებით მგზავრობენ:

  1. Airbus A340

Airbus A340მეხუთე ადგილი Airbus A340-მა დაიკავა, წელიწადში 144,013  ფრენის რაოდენობით. ის გახლავთ დიდტანიანი,  კომერციული, სამგზავრო  ავიალაინერი, რომლის სტანდარტული მოდელი 375 მგზავრზეა გათვლილი.

  1. Boeing 747

Boeing 747

157,480 ფრენა განახორციელა Boeing 747, რომელიც გამოიყენება როგორც სამგზავროდ, ისე ტვირთის გადასაზიდად. Boeing 747 ასევე jumbo jet-ს უწოდებენ.  მისი ძირითადი მომხმარებლები არიან British Airways, Korean Air,  Lufthansa, China Airlines და სხვა.

  1. Boeing 767

Boeing 767

მესამე ადგილი ფრენების რაოდენობის მიხედვით Boeing 767-ს ერგო. ავიალაინერმა IATA-ს მონაცემებით, წლის განმავლობაში 435,865 ფრენა განახორციელა. 767-ის სხვადასხვა მოდელები 181-დან 375-მდე მგზავრს იტევს.

  1. Boeing 777

Boeing 777

Boeing 777 მსოფლიოში ყველაზე დიდი წყვილძრავიანი თვითმფრინავია. მისი სხვადასხვა მოდელები 314-დან 396-მდე მგზავრს იტევს. წლის განმავლობაში Boeing 777-მა 762, 699 ფრენა განახორციელა და ყველაზე ხშირად მფრენ თვითმფრინავებს შორის მეორე ადგილი დაიკავა.

1.Airbus A330

Airbus A330IATA წლიური სტატისტიკური მონაცემების მიხედვით, ყველაზე ხშირად მსოფლიოში Airbus A330 დაფრინავს. საპატიო პირველი ადგილი ავიალაინერმა წელიწადში 836,768 შესრულებული ფრენით დაიკავა.  A330-ს  335-მდე მგზავრის გადაყვანა და 70 ტონამდე ტვირთის გადაზიდვა შეუძლია. მისი ძირითადი მომხმარებლები არიან Turkish Airlines, Air China, China  Eastern Airlines, Cathay Pacific და სხვა.

Embraer

Embraer მსოფლიოში ერთ-ერთი უდიდესი თვითმფრინავების მწარმოებელი ბრაზილიური კომპანიაა. ის 1969 წლიდან მოღვაწეობს ბაზარზე და მისი თვითმფრინავები 100-ზე მეტ ავიაკომპანიას ჰყავს ექსპლუატირებული.

დაარსების დღიდან Embraer-მა 5000-ზე მეტი თვითმფრინავი აწარმოა, მათ შორის, როგორც კომერციული, ასევე კორპორატიული, სამხედრო და სამეურნეო დანიშნულების. კომპანია სურლიად პასუხობს 21-ე საუკუნის საავიაციო გამოწვევებს და მოწინავე ადგილი უჭირავს საავიაციო ბაზარზე. Embraer მსოფლიოში მესამე თვითმფრინავების მწარმოებელი კომპანიაა Airbus-ის და Boeing-ის შემდეგ.

ემბრაერი

ემბრაერი

ემბრაერ

Embraer ემბრაერი

ემბრაერი

Boeing Dreamliner

Boeing 787 Dreamliner საშუალო ზომის, დიდტანიანი ავიალაინერი. მისი მთავარი მახასიათებელი უახლესი ტექნოლოგიები და რევოლუციური დიზაინია. 787-ის ოჯახის სხვადასხვა ტიპის თვითმფრინავებს 210-დან 330-მდე მგზავრის გადაყვანა შეუძლიათ. თვითმფრინავის ინტერიერი მგზავრებისთვის მაქსიმალურად  კომფორტულადაა მოწყობილი.

ბოინგი 787

ბოინგ 787

პირველი სატესტო ფრენა „ოცნების ავიალაინერმა“ 2009 წლის 15 დეკემბერს შეასრულა. 2011 წლის აგვისტოში ფედერალური ავიაციის ადმინისტრაციამ და ევროპის საავიაციო უსაფრთხოების სააგენტომ 787-ის სერტიფიცირება მოახდინეს.  ამავე წლის ბოლოს Boeing-მა მისი პრომოუშენისათვის მსოფლიო ტური დაიწყო. ავიალაინერმა მსოფლიოს მაშტაბით უამრავი ქალაქი მოიარა.

ბოინგ დრიმლაინერი

2013 წლის დეკემბრის მონაცემებით, 114 Boeing 787-ია აგებული. თითოეული თვითმფრინავის ფასი, 221,8 მილიონი აშშ დოლარიდან 288,7 მილიონამდე მერყეობს.

CAPRONI Ca 60

CAPRONI Ca 60 ტრანსატლანტიკური ავიალაინერის დიზაინის პროტოტიპი გახლდათ. 100 მგზავრისთვის განკუთვნილი თვითმფრინავი, რეალურად მფრინავ გემს წარმოადგენდა.

Capronissimo გამორჩეული იყო მისი ზომით, ფრთებისა და ძრავების რაოდენობით. ის რვა ძრავითა და სამი წყება სამ-სამი ფრთით გახლდათ აღჭურვილი.

კაპრონი კა 601921 წელს თვითმფრინავმა კატასტროფა განიცადა და დამტკიცდა, რომ ასეთი საფრენი აპარატი უსაფრთხო ფრენას ვერ განახორციელებდა. საბედნიეროდ,  მფრინავი შემთხვევას გადაურჩა.

თავისი არსებობის ისტორიაში, Capronissimo-მ მხოლოდ 18 მეტრი იფრინა წყლის ზედაპირზე.

წყარო: http://www.aviatime.com