ტოპ 10 ფაქტი ბოინგის შესახებ, რომელიც შეიძლება არ იცოდეთ

ბოინგი თვითმფრინავების მწარმოებელი ყველაზე დიდი კომპანიაა მსოფლიოში, რომლის შემოსავალი წელიწადში, საშუალოდ 85 მილიარდი დოლარია. მხოლოდ 737-ს მისი არსებობის მანძილზე 16.8 მილიარდი ადამიანი ჰყავს გადაყვანილი, რაც 2-ჯერ უფრო მეტია, ვიდრე მთლიანად ადამიანების რაოდენობა დედამიწაზე.

გთავაზობთ რამდენიმე ფაქტს ბოინგის შესახებ, რომელიც შესაძლოა არ იცოდეთ:

  1. ბოინგი იმაზე ძველია ვიდრე წარმოგიდგენიათ

ძმები რაიტების მიერ განხორციელებული პირველი ფრენის შემდეგ, (1903 წლის 17 დეკემბერი) სულ რაღაც 13 წელიწადში, უილიამ ბოინგმა თვითმფრინავების მწარმოებელი კომპანია დააარსა. დღეისათვის ბოინგში 175 000 ადამიანია დასაქმებული და მისი წარმომადგენლობა მსოფლიოს ქვეყნების ნახევარზე მეტში არსებობს.

  1. ქალაქი ბოინგი

ბოინგის ევერეტის ქარხანა პატარა ქალაქია, რომელსაც თავისი სახანძრო, დაცვის, სამედიცინო, ელექტრო, წყალგაყვნილობის და სხვა სამსახურები ჰყავს.

  1. ყველაზე დიდი შენობა მსოფლიოში ბოინგის ევერეტის ქარხანაა.

ევერეტის ქარხანა მსოფლიო რეკორდების წიგნშია შესული. მისი ფართი 13.3 მილიონი კუბური მეტრია.

  1. ბოინგ 787 დრიმლაინერი

ბოინგ 787 დრიმლაინერი 2,3 მილიონი ნაწილისგან შედგება. მისი ნაწილები მთელი მსოფლიოს მასშტაბით, სხვადასხვა ქვეყანაში მზადდება.

  1. მწვანე ფაქტები

ბოინგ 787 დრიმლაინერი მსოფლიოში ყველაზე  ეკო-მეგობრული თვითმფრინავია. ის ბოინგის თვითმფრინავებს შორის ყველაზე ნაკლებ საწვავს მოიხმარს და დამზადებულია მასალისგან, რომელიც ნაკლებად ახდენს უარყოფით გავლენას გარემოზე.

  1. წონა

ცარიელი ბოინგ 787  177.617 კილოგრამს იწონის, რაც 29 სპილოს სიმძიმის ექვივალენტია.

  1. სიჩქარე

ბოინგ 747-ს 100 მეტრის გავლა 0.36 წამში შეუძლია.

  1. სიგრძე

ძმები რაიტების პრიველი ფრენის მანძილი უფრო მოკლე იყო, ვიდრე ბოინგ 747-ის სიგრძე არის დღეს.

  1. ბოინგი და კოსმოსი

ბოინგმა პირველი ინვესტიცია ამერიკის კოსმოსურ პროგრამაში 1960-იან წლებში განახორციელა, როდესაც მისი რაკეტა დელტა II ჩაეშვა.

  1. 1087 მგზავრი ერთი ფრენის განმავლობაში

ოპერაცია სოლომონის დროს ბოინგ 747-მა 1087 ადამიანი გადაიყვანა ერთი ფრენის განმავლობაში. ოპერაციის ფარგლებში,  36 საათის განმავლობაში, ისრაელმა  14 325 ეთიოპიელი ებრაელის ევაკუაცია მოახერხა.

Advertisements

სააერნაოსნო ინფორმაციის სამსახურს ISO 9001:2015 სერტიფიკატი მიენიჭა

 

ეკონომიკისა და მდგრადი განვითარების სამინისტროს შპს „საქაერონავიგაციის“ სააერნაოსნო ინფორმაციის სამსახურს ახალი, ISO 9001:2015 სტანდარტის მოთხოვნებთან შესაბამისობის სერტიფიკატი გადაეცა.

2016 წლის მაისიდან სამსახურის ყველა თანამშრომელმა, სტანდარტში შესულ ცვლილებებთან გაცნობის მიზნით, სწავლება გაიარა, რის შედეგადაც აქტიურად ჩაერთო ხარისხის მართვის სისტემის ISO 9001:2015 სტანდარტთან შესაბამისობაში მოყვანის პროცესში.  2017 წელს კომპანია „Bureau Veritas Certification” -ის მიერ ჩატარებული სასერტიფიკაციო აუდიტის საფუძველზე  სამსახურს შესაბამისი სერტიფიკატი მიენიჭა.

აღსანიშნია, რომ პირველად შპს “საქაერონავიგაციის” სააერნაოსნო ინფორმაციის სამსახურს  სტანდარტის მოთხოვნების შესაბამისობსათვის   ISO 9001:2008  სერტიფიკატი 2013 წელს გადაეცა. მას შემდეგ, სამსახური მუდმივად ჩართულია ხარისხის მართვის სისტემის სტანდარტთან შესაბამისობაში მოყვანის პროცესში.  შპს „საქაერონავიგაციის“ სააერნაოსნო ინფორმაციის სამსახურის მიერ დანერგილი ხარისხის მართვის  სისტემა, როგორც წარმატებული ქეისი, “EUROCONTROL”-ის აერონავიგაციის ინსტიტუტის (IANS) სასწავლო პროგრამაში არის შეტანილი.

 

ევროპასა და საქართველოში ივლისში რეკორდული რაოდენობის ფრენა დაფიქსირდა

ევროკონტროლის ქსელის მასშტაბით, რომელშიც საქართველოც შედის, ისტორიაში პირველად, თვის განმავლობაში ერთი მილიონი ფრენა დაფიქსირდა. 2016 წლის მონაცემებთან შედარებით, ფრენების რაოდენობა 5%-ით გაიზარდა. ივლისში ევროპის საჰაერო სივრცეში დაახლოებით 35 000 ფრენა სრულდებოდა. მემილიონე ფრენა 31 ივლისს, შუადღისას შესრულდა.

საქართველოს საჰაერო სივრცის ფარგლებში ფრენების რაოდენობის რეკორდული რიცხვი დაფიქსირდა 2017 წლის 28 ივლისს. შპს “საქაერონავიგაცია” ამ დღეს 537 ფრენას (ინსტრუმენტალური + ვიზუალური ფრენები) მოემსახურა. ფრენების ზრდის ტენდენცია ფიქსირდება არამარტო ივლისის თვეში, არამედ გასული 6 თვის განმავლობაში. საქართველოში ფრენების რაოდენობა გასულ წელთან შედარებით 13,6%-ით არის გაზრდილი.


„ევროპის საჰაერო მოძრაობის მართვის სისტემა ფრენების რეკორდულ რაოდენობას ემსახურება. ეს კი ცხადყოფს, თუ რამდენად მნიშვნელოვანია პან-ევროპული ქსელის მიდგომა დატვირთული საჰაერო სივრცეების სამართავად. ევროკონტროლი, როგორც ქსელის მენეჯერი მთელი ევროპის მასშტაბით და მის საზღვრებს გარეთაც მუშაობს პარტნიორებთან, რათა წლის განმავლობაში მილიარდზე მეტი მგზავრის ეფექტური გადაადგილება უზრუნველყოს.“ -აცხადებს ქსელის მენეჯერის დირექტორი ჯო სულთანა.

პროგრამული უზრუნველყოფის განახლებული ვერსია შპს “საქაერონავიგაციის” მეტეოროლოგიურ სამსახურში

ქუთაისის დავით აღმაშენებლის სახელობის საერთაშორისო აეროპორტის და ბათუმის ალექსანდრე ქართველის სახელობის საერთაშორისო აეროპორტის მეტეოროლოგიურ ოფისებში, ფრანგული კომპანია COROBOR SYSTEMS-ის მიერ MESSIR AERO-ს პროგრამული უზრუნველყოფის განახლებული ვერსია დამონტაჟდა.

ბადრი ჯიჯელავა

სისტემა მთელი მსოფლიოს მასშტაბით, მეტეოროლოგიური ბანკებიდან  როგორც ფაქტიურ, ასევე პროგნოსტიკულ, საეროდრომო და სატრასო მეტეოროლოგიურ შეტყობინებებს იღებს. სისტემა ინგლისში არსებული მეტეოროლოგიური დანიშნულების სერვერიდან (SADIS-დან) იღებს NWP – ციფრულ პროგნოსტიკულ მოდელებს, რომელიც მნიშვნელოვანი ასპექტია საეროდრომო/სატრასო პროგნოსტიკული შეტყობინების შესადგენად.

ICAO-ს მესამე დანართის მოთხოვნების შესაბამისად, სისტემა ავტომატურ რეჟიმში ახდენს საეროდრომო პროგნოზების (TAF) შემოწმებას თბილისის, ქუთაისის, ბათუმის, მესტიის და სამომავლოდ ამბროლაურის აეროპორტებისთვის.

პროგრამული უზრუნველყოფის სისტემა საავიაციო ფიქსირებული სატელეკომუნიკაციო ქსელიდან ავტომატურ რეჟიმში იღებს საფრენოსნო გეგმებს და საფრენოსნო გეგმების საფუძველზე ქმნის წინასაფრენონსნო მეტეოოროლოგიურ ინფორმაციას – ე. წ. საფრენოსნო საქაღალდეს, გარდაქმნის მას რა PDF ფორმატში აგზავნის თბილისის, ქუთაისის და ბათუმის სინოპტიკოსებს წინასწარ განსაზღვრულ ელ-ფოსტაზე.

MESSIR AERO-ს პროგრამული უზრუნველყოფის აღნიშნული ფუნქციები აადვილებს პროგნოზების შედგენას, ამაღლებს პროგნოზების გამართლების მაჩვენებლებს, ავითარებს თვითკრიტიკას, აადვილებს ეკიპაჟის ოპერატიულ მომსახურებას და მინიმუმამდე დაჰყავს ადამიანური შეცდომის ფაქტორი. აღნიშნული სისტემის ოპერირება სამომავლოდ აამაღლებს ფრენების უსაფრთხოების საკითხებს.

აღსანიშნავია, რომ შპს „საქაერონავიგაციის“ მეტეოროლოგიურ სამსახურში დანერგილია ხარისხის მართვის სისტემა და  2017 წელს ჩატარებული აუდიტის საფუძველზე სამსახურს ISO 9001:2015 სერთიფიკატი გადაეცა. ხარისხის მართვის სისტემა გულისხმობს სამსახურის მიერ გაწეული მომსახურების პერმანენტულ კონტროლს, ამცირებს რისკებს და რაც მთავარია, ხელს უწყობს მომსახურების მუდმივ განვითარებას.

გარდა ამისა, მეტეოროლოგიური სამსახურის მუშაობას კიდევ უფრო ეფექტურს ხდის თბილისში, ქვიშიანას ნიშნულ 1100-ზე დამონტაჟებული მეტეოროლოგიური რადიოლოკატორი, რომელიც საქართველოს საშუალებას აძლევს მოსაზღვრე ქვეყნებთან გაცვალოს მონაცემები, რაც მნიშვნელოვნად ზრდის მეტეოროლოგიური მოვლენების შესახებ ინფორმირებულობის ხარისხს საფრენოსნო ინფორმაციის რაიონში (FIR).

ევროკონტროლს ახალი გენერალური დირექტორი ჰყავს

საჰაერო ნავიგაციის უსაფრთხოების ევროპული ორგანიზაციის (ევროკონტროლი) ახალი ხელმძღვანელი ირლანდიელი კანდიდატი ემონ ბრენანი გახდა. ის გენერალური დირექტორის საქმიანობას 2018 წლის 1 იანვრიდან დაიწყებს. ემონ ბრენანი ფრენკ ბრენერს შეცვლის, რომელიც ევროკონტროლის გენერალური დირექტორის  პოზიციაზე 2013 წლიდან 2017 წლის 31 დეკემბრამდეა არჩეული.

ევროკონტროლის გენერალური დირექტორის პოზიციაზე ბრენანის კანდიდატურა ირლანდიის მთავრობამ წარადგინა.  არჩევნები 2017 წლის 16 ივნისს გაიმართა, სადაც საქართველომ ამომრჩევლის რანგში პირველად მიიღო მონაწილეობა.

„ემონ ბრენანი წამყვანი ფიგურაა ევროპულ ავიაციაში. მისი გამოცდილება და საჰაერო მიმოსვლის მენეჯმენტის წინაშე მდგარი გამოწვევების სიღრმისეული ცონდა ფასდაუდებელი იქნება ევროკონტროლისთვის, რათა ორგანიზაციამ შეძლოს წევრი სახელმწიფოების საჭიროებებზე რეაგირება და მხარი დაუჭიროს ერთიანი ევროპული ცის სრულ იმპლემენტაციას პან-ევროპულ კონტექსტში.“ – აღნიშნა ევროკონტროლის მუდმივმოქმედი კომისიის პრეზიდენტმა და პოლონეთის საავიაციო ხელისუფლების გენერალურმა დირექტორმა პიოტრ სამსაონმა.

გენერალური დირექტორის არჩევნებში გამარჯვებულმა ბრენანმა მადლობა გადაუხადა ირლანდიის მთავრობას და ირლანდიის სამოქალაქო ავიაციის გენერალურ დირექტორს, მისი ნომინირებისთვის. მან, ასევე, მადლობა გადაუხადა ევროკონტროლის მუდმივმოქმედ კომისიას და დროებით საბჭოს, მის მიმართ გამოხატული ნდობისათვის.

გოჩა მეზვრიშვილი

„იმედი მაქვს, შევძლებ გამოვიყენო ჩემი გამოცდილება იმისათვის, რომ  მომდევნო 5 წლის განმავლობაში  ევროპის ავიაციის უსაფრთხო და პროგრესული განვითარება უზრუნველვყოთ.“ – განაცხადა ბრენანმა.

ბრენანი საქართველოში წინასაარჩევნო კამპანიის ფარგლებში იმყოფებოდა. შპს “საქაერონავიგაციაში” მან თავისი წინასაარჩევნო პრეზენტაცია გამართა, სადაც კომპანიის წარმომადგენლებს ევროპის სამოქალაქო ავიაციის განვითარებისა და ევროკონტროლის მომავალი საქმიანობის მისეული ხედვა და მიზნები გააცნო.